ஆனால், வரலாற்றில் வாழ்ந்த இயேசுவுக்கும், மதத்தில் நாம் காணும் கிறிஸ்துவுக்கும் நிறைய வித்தியாசங்கள் இருக்கின்றன.
நம் ஒவ்வொருவருக்குமே ஒரு வரலாறு இருக்கிறது. வரலாறு என்றால் என்ன? ஒன்று, நேரம். மற்றொன்று, இடம். நாம் குறிப்பிட்ட ஆண்டு பிறந்து, குறிப்பிட்ட ஆண்டில் இறந்து விடுகிறோம். நம் பிறப்பும், இறப்பும் இடம் சார்ந்தே இருக்கின்றது. நேரத்திற்குள்ளும், இடங்களுக்குள்ளும் நாம் செய்யும் பயணமே வரலாறு. வரலாறு என்று சொல்லும் போது கொஞ்சம் கவனம் தேவை. ஒருவருக்கு போராளி எனத் தெரிவது மற்றவருக்கு தீவிரவாதி எனத் தெரியலாம் - இதுதான் வரலாறு.
இயேசுவின் வரலாற்றை எங்கே தொடங்குவது? கண்டிப்பாக அவரது பிறப்பில் தான். எங்கே பிறந்தார்? எப்படிப் பிறந்தார்? என்று வரலாற்றுக் குறிப்புகள் நமக்கு இல்லை. உலக வரலாற்றில் இயேசுவின் 'இறப்பு' மட்டுமே பதிவு செய்யப்பட்டிருக்கிறது. பிறப்பு பற்றிய குறிப்புகள் இல்லை. இயேசுவின் பிறப்பு குறித்து நமக்குத் தகவல் தருபவை நற்செய்திகள். அவற்றை எடுத்துப் பார்த்தால் முன்னுக்குப் பின்னான தகவல்கள். மேலும் இயேசுவின் பிறப்பைப் பற்றிய ஒரு சில 'மறைந்த' நற்செய்திகளும் இருக்கின்றன. அவற்றை கத்தோலிக்கத் திருச்சபை தொடக்கத்தில் இருந்தே நற்செய்தி என ஏற்றுக்கொள்ள மறுத்துவிட்டது.
இயேசுவின் பிறப்பை ஒட்டிய நிகழ்ச்சிகளை வரலாற்றுப் பின்புலத்தோடு, நற்செய்திகள் மற்றும் 'கள்ள' நற்செய்திகளின் துணையோடு இந்தப் பகுதியில் ஆராய்ச்சி செய்ய விழைகிறேன்.
'அகல உழுவதை விட ஆழ உழுவதே மேல்' என்று எங்க தாத்தா அடிக்கடி சொல்வார்.
அந்த எண்ணத்தில் உதித்த சின்ன முயற்சியே இன்று தொடங்கும் நம் தேடல்.
ஏன்டா!....ஒன்னயும் உருப்படியா எழுதமாட்டியா? இங்கிருந்து அங்கேயும், அங்கிருந்து இங்கேயும் தாவுற! என்று கோபப்படுகிறீர்களா?
மன்னிக்கவும்.
'பாதை மாறுவதே என் பயணமானது!'
வருகிற திங்கள் முதல் புதிய கல்வியாண்டைத் தொடங்குகிறேன்.
விவிலிய அறிவியல் படிப்பின் இறுதியாண்டு இது. எனக்காக செபியுங்கள்.
No comments:
Post a Comment