மனிதருக்கு உள்ளேயிருந்து

இன்றைய (9 பிப்ரவரி 2022) நற்செய்தி (மாற் 7:14-23)

மனிதருக்கு உள்ளேயிருந்து

'விழிப்பாயிருந்து உன் இதயத்தைக் காவல் செய். ஏனெனில், அதனின்று பிறப்பவை உன் வாழ்க்கையின் போக்கை உறுதிசெய்யும்' (திபா 4:23). 

தூய்மை-தீட்டு என்பதை அடிப்படையாகக் கொண்ட யூத மரபில், வெளியிலிருந்து வருபவை தீட்டு அல்ல என்பதைத் தன் சீடர்களுக்கு அறிவுறுத்துகின்ற இயேசு, உள்ளத்திலிருந்து எழுபவற்றைக் குறித்துக் கவனமாக இருக்குமாறு எச்சரிக்கின்றார் இயேசு.

யூதர்கள் தங்களுக்கு வெளியே உள்ள அனைத்தையும் தூய்மை-தீட்டு என்று பிரித்துப் பார்த்தனர். வெளியில் தீட்டு எனத் தெரிபவற்றை ஒதுக்கிவிட்டு தங்களைத் தூய்மையாக வைத்துக்கொள்ள விரும்பினர். ஆனால், தங்கள் உள்ளத்தில் பேண வேண்டிய தூய்மையை மறந்தனர். அதை அவர்களுக்கு எடுத்துரைக்கின்றார் இயேசு.

நம் உள்ளத்தில் இருப்பவற்றைக் குறித்துக் கவனமாயிருத்தல் நலம்!